ЗАЦВЯРДЖАЮ
Дырэктар школы
А.М.Скрабец
ПАЛАЖЭННЕ
аб бацькоўскім універсітэце
Агульныя палажэнні
Дадзенае палажэнне ўстанаўлівае мэту, асноўныя задачы і парадак фукцыянавання бацькоўскага ўніверсітэта (далей – універсітэта).
Універсітэт адкрыты і працуе на базе ДУА “Стахаўская сярэдняя школа”.
Мэта ўніверсітэта – стварэнне ўмоў для павышэння бацькоўскай кампетэнтнасці, гарманізацыі дзіцяча-бацькоўскіх адносін у сям’і.
Асноўныя задачы ўніверсітэта:
стварэнне сістэмы пастаяннай псіхолага-педагагічнай адукацыі бацькоў (законных прадстаўнікоў) і садзейнічанне фарміраванню ў іх бацькоўскіх кампетэнцый, якія адпавядаюць выклікам сучаснасці;
садзейнічанне павышэнню адказнасці бацькоў (законных прадстаўнікоў) за выхаванне дзяцей і пашырэнню іх прававых ведаў;
папулярызацыя станоўчага вопыту сямейнага выхавання.
У сваей рабоце універсітэт кіруецца:
- Кодэксам Рэспублікі Беларусь аб адукацыі;
- Кодэксам Рэспублікі Беларусь аб браке і сям’е;
- Інструктыўна-метадычным пісьмом Міністэрства адукацыі Рэспублікі Беларусь “Асаблівасці арганізацыі сацыяльнай, выхаваўчай і ідэалагічнай работы ва ўстанове адукацыі ў 2022/2023 навучальным годзе”;
- дадзеным Палажэннем;
- іншымі нарматыўнымі прававымі актамі Рэспублікі Беларусь,
- метадычнымі матэрыяламі Міністэрства адукацыі Рэспублікі Беларусь.
Універсітэт знаходзіцца ў непасрэдным падпарадкаванні дырэктара школы.
Кіраўніцтва работай універсітэта здзяйсняе кіраўнік школьнага вучэбна-метадычнага аб’яднання класных кіраўнікоў (далей – кіраўнік універсітэта).
У склад універсітэта ўваходзяць 4 кафедры:
- Кафедра прававых ведаў;
- Кафедра ўзроставай і сямейнай псіхалогіі;
- Кафедра педагогікі;
- Кафедра канструктыўнага ўзаемадзеяння.
Кіраўніцтва кафедрай здзяйсняе педагагічны работнік (кіраўнік кафедрай), якому дадзеная функцыя прызначана загадам дырэктара школы.
На афіцыйным інтэрнэт-сайце ўстановы адукацыі ствараецца рубрыка “Бацькоўскі ўніверсітэт” з магчымасцю інтэрактыўных зносін з мэтавай аўдыторыяй. Адміністрыраванне рубрыкі здзяйсняе настаўнік інфарматыкі, якому дадзеная функцыя прызначана загадам дырэктара школы.
Дзейнасць універсітэта
Арганізацыя адукацыйнага працэса ва ўніверсітэце здзяйсняецца зыходзячы з запытаў бацькоў і законных прадстаўнікоў непаўналетніх.
Навучальны год ва ўніверсітэце пачынаецца з 1 снежня і заканчваецца не пазней 25 мая навучальнага года і складаецца з 4-х сесій:
1-ая сесія – снежань;
2-ая сесія – студзень;
3-яя сесія – люты-сакавік;
4-ая сесія – сакавік-май.
Тэматыку заняткаў ва ўніверсітэце распрацоўваюць кіраўнікі кафедр з улікам запытаў бацькоў і законных прадстаўнікоў непаўналетніх.
Да правядзення заняткаў ва ўніверсітэце могуць далучацца настаўнікі, спецыялісты розных напрамкаў, а таксама прадстаўнікі бацькоўскай грамадскасці, якія з’яўляюцца прызнанымі спецыялістамі ў сваей прафесіянальнай дзейнасці. Кадравыя рэсурсы фарміруюцца кіраўніком бацькоўскага ўніверсітэта пры падтрымцы дырэктара школы.
Навучанне бацькоў можа здзяйсняцца як у вочнай, так і ў завочнай (дыстанцыйнай) формах.
Навучанне бацькоў арганізуецца па цыклах:
I цыкл для бацькоў вучняў I ступені агульнай сярэдняй адукацыі,
II цыкл – для бацькоў вучняў II ступені агульнай сярэдняй адукацыі,
III цыкл – для бацькоў вучняў III ступені агульнай сярэдняй адукацыі.
Вочная форма навучання складаецца з 2-х модулей: базавы і варыятыўны.
Базавы модуль змяшчае абавязковыя для навучання 4 курсы:
- I Асновы прававых ведаў,
- II Асновы ўзроставай і сямейнай псіхалогіі;
- III Асновы педагагічных ведаў;
- IV Асновы канструктыўнага ўзаемадзеяння.
Курсы базавага модуля вядуць спецыялісты, якія маюць прафесіянальную адукацыю.
Варыятыўны модуль прадугледжвае навучанне “Настаўнікі-бацькі”.
Вядучымі курсаў дадзенага модуля з’яўляюцца самыя ініцыятыўныя бацькі, якія з’яўляюцца высока кваліфікаванымі спецыялістамі ў якой-небудзь прафесіянальнай ці прыкладнай дзейнасці.
Пры адсутнасці кваліфікаваных спецыялістаў па асобных напрамках навучання можа выкарыстоўвацца завочная (дыстанцыйная) форма навучання. Дыстанцыйная форма навучання прымяняецца і ў выпадках пагаршэння эпідэміялагічных абставін, і ў сувязі з гэтым, забароны вочных сустрэч з бацькамі.
Заняткі ва ўніверсітэце могуць быць арганізаваны ў выглядзе тэарытычных семінараў, семінараў-практыкумаў, дыскусійных заняткаў (“круглы стол”, дыспут, дэбаты і інш.); трэнінгавых заняткаў; дзелавых гульняў, педагагічных чытанняў і інш.
Па заканчэнні навучальнага года пры ўмовах наведвання ўсіх заняткаў цыкла бацькі атрымліваюць электронны сертыфікат устаноўленага ўзору ўстановай адукацыі.
Удзельнікі бацькоўскага ўніверсітэта.
Іх правы і адказнасць.
Усе ўдзельнікі бацькоўскага ўніверсітэта маюць аднолькавыя правы і могуць уносіць прапановы па ўдасканаленні арганізацыі і зместу заняткаў; актыўна ўдзельнічаць у рабоце універсітэта; пашыраць тэматыку вучэбных модулей.
Адказнасць за арганізацыю, падрыхтоўку і правядзенне заняткаў, інфармаванне бацькоў аб рабоце універсітэта нясуць кіраўнікі кафедр і кіраўнік універсітэта.
Усе ўдзельнікі ўніверсітэта абавязаны кіравацца агульнапрынятымі нормамі культуры паводзін.
Дакументацыя ўніверсітэта
Ва ўніверсітэце прадугледжана наяўнасць наступных дакументаў:
- Копія загада аб арганізацыі бацькоўскага ўніверсітэта;
- Палажэнне аб бацькоўскім універсітэце;
- План работы бацькоўскага ўніверсітэта;
- Формы анкет для бацькоў (3 – па 1-й для кожнага цыкла);
- Узор электроннага сертыфіката, устаноўленага ўстановай адукацыі.